Zaka Ashraf denied rumors of differences between Babar and Shaheen-Photo Credit: ICC
ذکاء اشرف نے بابر اور شاہین کے درمیان اختلافات کی افواہوں کی تردید کر دی
اردوانٹرنیشنل(اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) کے سابق چیئرمین ذکا اشرف نے وائٹ بال کے کپتان بابر اعظم اور بائیں ہاتھ کے فاسٹ باولر شاہین آفریدی کے درمیان اختلافات کی افواہوں کی تردید کردی۔
آئی سی سی ون ڈے ورلڈ کپ 2023 کی تباہ کن مہم کے نتیجے میں شاہین نے بابر کی جگہ ٹی ٹوئنٹی ٹیم کا کپتان بننے کے بعد سے اسٹار کھلاڑیوں کے درمیان تناؤ کی افواہیں میڈیا میں گردش کر رہی ہیں۔
تاہم اس وقت پی سی بی مینجمنٹ کمیٹی کے چیئرمین کی حیثیت سے خدمات انجام دینے والے ذکاء اشرف نے دراڑ کی افواہوں کو مسترد کرتے ہوئے دعویٰ کیا تھا کہ شاہین کی تقرری کے بعد ٹیم کا اتحاد حقیقت میں بہتر ہوا ہے۔
انھوں نے ایک مقامی نیوز چینل کو انٹرویو کے دوران کہا کہ اتحاد ختم نہیں ہوا درحقیقت اتحاد میں بہتری آئی جب ہم نے اسے ایک کھلاڑی کے طور پر کھیلنے کے لیے کہا جو کہ اس کی صلاحیت ہے، لیکن بطور کپتان ان کی کارکردگی اچھی نہیں ہے، تو انھوں نے اتفاق کیا.
ذکاء اشرف نے ٹیم میں گروپ بندی کی افواہوں کی تردید کرتے ہوئے شان مسعود کو ٹیسٹ ٹیم کا کپتان اور محمد حفیظ کو ٹیم ڈائریکٹر مقرر کرنے کے اپنے فیصلے کا بھی دفاع کیا۔
انہوں نے مزید کہا کہ نہیں، کوئی گروہ بندی نہیں تھی۔ ٹیم اچھی تھی اور ہم شان مسعود کو کپتان بنا کر لائے وہ بہت اچھے کپتان تھے وہ اب بھی بہت اچھا کھلاڑی ہے.
اور ہماری انتظامیہ، ٹیم کے ساتھ، محمد حفیظ، ایک بہترین کرکٹر، ایک بہت ایماندار شخص، ہم انہیں ساتھ لے کر آئے عمر گل، سعید اجمل اور ان کھلاڑیوں کو ہم ساتھ لائے تاکہ کوچنگ اسٹاف ٹیم کے ساتھ ہو۔
واضح رہے کہ شاہین آفریدی کو ایک سیریز کے بعد کپتان کے عہدے سے ہٹا دیا گیا تھا اور آئی سی سی ٹی ٹوئنٹی ورلڈ کپ 2023 سے قبل بابر اعظم کو وائٹ بال کے کپتان کے طور پر بحال کر دیا گیا تھا، جہاں پاکستان پہلے راؤنڈ میں باہر ہو گیا تھا۔
