ورلڈ ٹینس ایسوسی ایشن :دو دہائیوں میں پہلی بار 5 امریکی خواتین ٹاپ 15 میں شامل

اردو انٹرنیشنل اسپورٹس ویب ڈیسک تفصیلات کے مطابق یو ایس ٹی اے نے پیر کو اعلان کیا کہ 20 سالوں میں پہلی بار پانچ امریکی خواتین ٹینس ایسوسی ایشن (ڈبلیو.ٹی.اے) کی درجہ بندی میں ٹاپ 15 میں شامل ہوئی ہیں ۔

امریکہ سے تعلق رکھنے والی کوکو گاف خواتین ٹینس کی عالمی رینکنگ میں دوسرے نمبر پر ہیں، جس کے بعد جیسیکا پیگولا چھٹے نمبر پر ہیں اور ڈینیئل کولنز جو کہ نویں نمبر پر آگئی ہیں۔ میڈیسن کیز 14ویں نمبر پر ہیں، اور ایما ناوارو، ومبلڈن کے کوارٹر فائنل میں جگہ بنانے کے بعد کیریئر کی بلند ترین 15ویں نمبر پر پہنچ گئیں۔

آخری بار پانچ امریکی خواتین کو ٹاپ 15 میں اس وقت شامل کیا گیا تھا جب 24 مئی 2004 کو لنڈسے ڈیون پورٹ دنیا میں چوتھے نمبر پر تھیں۔