اردو انٹرنیشنل (اسپورٹس ویب ڈسیک) تفصیلات کے مطابق مالدیپ میں ہونے والی پندرہویں ورلڈ باڈی بلڈنگ اینڈ فزیق چیمپئن شپ میں پاکستان کے بلال احمد نے گولڈ میڈل جیت لیا۔
بلال احمد نے مینز فزیک کیٹیگری میں گولڈ میڈل جیتا، انہوں نے گزشتہ برس جنوبی ایشیا ورلڈ باڈی بلڈنگ چیمپئن شپ میں بھی گولڈ میڈل حاصل کیا تھا۔
پاکستان باڈی بلڈنگ فیڈریشن کے سیکرٹری سہیل انور کا کہنا تھا کہ بلال احمد کو پرائیویٹ سپانسرشپ سے ورلڈ باڈی بلڈنگ چیمپئن شپ میں شرکت کے لیے بھیجا، حکومت پاکستان کو باڈی بلڈرز کی بھی حوصلہ افزائی کرنی چاہیے۔
دوسری جانب چیمپئن شپ میں کامیابی کے بعد بلال احمد کا کہنا تھا کہ گولڈ میڈل جیتنے پر اللہ تعالی کا شکر گزار ہوں۔
