چیمپیئنز لیگ کے میچ میں مانچسٹر سٹی اور کلب بروگ کے درمیان سنسنی خیز مقابلہ دیکھنے میں آیا ، لیکن سخت جدوجہد کے بعد بلآخر مانچسٹر سٹی چیمپئنز لیگ کے پلے آف میں کوالیفائی کرنے میں کامیاب رہا۔ اتحاد اسٹیڈیم میں کھیلے گئے اس میچ میں سٹی نے 1-3 سے کامیابی حاصل کی۔
بروگ نے پہلے ہاف میں برتری حاصل کی، جب رافیل اونیڈیکا نے فیران جٹگلا کے کراس پر گول کیا اور مانچسٹر سٹی کو دباؤ میں ڈال دیا۔ تاہم، دوسرے ہاف میں مانچسٹر سٹی نے شاندار واپسی کی، اور صرف آٹھ منٹ بعد سٹی کی جانب سے میٹیو کوواچیچ نے گول کر کے اسکور برابر کر دیا۔
Photo-Reuters
اس کے بعد، جوئل اوڈونیز نے ، جوسکو گوارڈیول کے کراس کو روکنے کی کوشش میں گیند اپنے ہی جال میں ڈال دی، جس سے سٹی کو 2-1 کی برتری حاصل ہو گئی۔
ساونہو نے آخری لمحات میں ایک اور گول کر کے میچ 1-3 پر ختم کیا، اور مانچسٹر سٹی کو اگلے مرحلے میں پہنچا دیا۔
یہ جیت 2023 کے چیمپیئن سٹی کے لیے بہت اہم تھی اور گارڈیوولا کی ٹیم اب ناک آؤٹ مرحلے میں مزید چیلنجز کے لیے تیار ہو رہی ہے۔
