ہائیکورٹ نے بشریٰ بی بی کو بنی گالہ سب جیل سے اڈیالہ جیل منتقل کرنے کا حکم دے دیا
اردو انٹرنیشنل (مانیٹرنگ ڈیسک) اسلام آباد ہائی کورٹ نے پی ٹی آئی کے بانی عمران خان کی اہلیہ بشریٰ بی بی کو بنی گالہ سب جیل سے اڈیالہ جیل منتقل کرنے کا حکم دے دیا۔
جسٹس میاں گل حسن اورنگزیب نے بشریٰ بی بی کی درخواست پر محفوظ کیا گیا فیصلہ سنایا۔ عدالت نے بشریٰ بی بی کو بنی گالہ سب جیل میں رکھنے کا نوٹیفکیشن غیر قانونی قرار دے دیا۔
عدالت نے تمام فریقین کے دلائل سننے کے بعد گزشتہ ہفتے فیصلہ محفوظ کیا تھا۔ عدالت نے محفوظ کیا گیا فیصلہ سناتے ہوئے بشریٰ بی بی کی اڈیالہ جیل منتقلی کی درخواست منظور کر لی جہاں ان کے شوہر عمران خان بھی قید ہیں۔
واضح رہے کہ جیل حکام نے عدالت میں موقف اپنایا تھا کہ جیل میں گنجائش کی کمی ہے۔
جیل حکام نے سابق خاتون اول کو جیل منتقل نہ کرنے پر سیکیورٹی مسائل کا بھی مؤقف اختیار کیا تھا۔
