پاکستان اور جنوبی افریقہ کی خواتین کےدرمیان پہلا ٹی ٹوئنٹی آج کھیلا جائے گا
اردوانٹرنیشنل(اسپورٹس ڈیسک) تفصیلات کے مطابق پاکستان اور جنوبی افریقہ کی خواتین کے درمیان تین میچوں کی سیریز کا پہلا ٹی ٹوئنٹی میچ آج ملتان کر کٹ اسٹیڈیم میں کھیلا جائے گا۔
پاکستانی ٹیم کی قیادت ثناء فاطمہ کریں گی تاہم پاکستان کرکٹ بورڈ (پی سی بی) نے سیریز سے قبل تربیتی کیمپ میں شرکت کرنے والی کرکٹر کے یومیہ الاؤنسز بند کردیے ہیں.
پی سی بی کے ایک عہدیدار نے فیصلے کا دفاع کرتے ہوئے کہا کہ کھلاڑیوں کو روزانہ الاؤنس نہیں دیا جا رہا ہے کیونکہ بورڈ اب انہیں رہائش اور دن میں تین وقت کا کھانا فراہم کر رہا ہے۔
واضح رہے کہ پاکستان کرکٹ بورڈ نے ٹی ٹوئنٹی سیریز میں شائقین کا داخلہ بھی فری کر رکھا ہے۔
پاکستان اور جنوبی افریقہ کے میچ کے دوران کمنٹری پینل میں بازید خان، اعجاز احمد، حجاب زاہد، کائنات امتیاز اور ثنا میر شامل ہیں .
