T20 World Cup: Confirmation of additional security in India-Pakistan match
اردو انٹرنیشنل (اسپورٹس ڈیسک) تفصیلات کے مطابق پاکستان اور بھارت کے درمیان 9 جون کو ہونے والے انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ کے میچ میں دہشت گردی کے خدشات کے باعث اضافی سکیورٹی کی تعیناتی کی تصدیق کر دی گئی۔
ناساؤ کاؤنٹی کے ایگزیکٹو بروس بلیکمین نے کہا ہے کہ پاک بھارت میچ کے لیے اضافی سکیورٹی ہو گی نساؤ کاؤنٹی ہر لحاظ سے تیار ہو گی ہم پُراعتماد ہیں کچھ بھی نہیں ہو گا۔
بروس بلیکمین کا کہنا ہے کہ یہ دنیا کا سب سے بڑا میچ ہے اس دن اضافی سکیورٹی ہو گی ہمارا اپنا ناساؤ کاؤنٹی پولیس ڈپارٹمنٹ ہے جو بڑے ایونٹس کا انتظام کرتا ہے۔
انہوں نے کہا کہ ہماری نیویارک، اسٹیٹ پارک پولیس ایف بی آئی، پورٹ اتھارٹی پولیس اور ایم ٹی اے پولیس ہے.
یا د رہے کہ پاک بھارت مقابلہ 9 جون کو ناساؤ کاؤنٹی انٹرنیشنل اسٹیڈیم نیو یارک میں ہو گا.
