اردو انٹرنیشنل(اسپورٹس ڈیسک) تفصیلات کے مطابق بدھ کے روز مقامی ہندوستانی میڈیا نے رپورٹ کیا کہ ہندوستان نے آنے والے ٹی ٹوئنٹی ورلڈ کپ2024 میں ویرات کوہلی کی شرکت کا فیصلہ کیا ہے جو 1 جون کو گرینڈ پریری اسٹیڈیم، ٹیکساس، ریاست ہائے متحدہ میں شروع ہونے والا ہے۔
ایسی متعدد اطلاعات تھیں کہ کوہلی کو شامل نہیں کیا جائے گا کیونکہ ان کی فارم اور خاص طور پر مختصر فارمیٹ میں ان کے اسٹرائیک ریٹ کے بارے میں خدشات تھے لیکن روزنامہ جاگرن کی ایک رپورٹ کے مطابق 35 سالہ کوہلی ورلڈ کپ کے لیے حتمی اسکواڈ کا حصہ ہوں گے۔
کوہلی ورلڈ کپ پر سلیکشن کمیٹی سے وضاحت چاہتے تھے اور روہت شرما، ہیڈ کوچ راہول ڈریوڈ اور چیف سلیکٹر اجیت اگرکر کے ساتھ میٹنگ میں اس بات پر تبادلہ خیال کیا گیا کہ وہ میگا ایونٹ میں ہٹ مین کے ساتھ کھلیں گے۔
سابق ہندوستانی کپتان جاری انڈین پریمیئر لیگ (آئی پی ایل) 2024 میں رائل چیلنجرز بنگلورو (آر سی بی) کے لئے اوپنر کے طور پر کھیل رہے ہیں اور انہوں نے 147 کے اسٹرائیک ریٹ سے سات میچوں میں ٹورنامنٹ میں سب سے زیادہ 361 رنز بنائے ہیں۔
یاد رہے کہ ٹی ٹوئنٹی ورلڈ کپ 2024 کے لیے ہندوستان گروپ اے میں پاکستان، آئرلینڈ، کینیڈا اور امریکہ کے ساتھ ہے۔
