T20 Tri-Series: Pakistan beat Sri Lanka by 7 wickets-PCB
راولپنڈی میں کھیلے گئے ٹی20 ٹرائی نیشن سیریز کے تیسرے میچ میں پاکستان نے سری لنکا کو 7 وکٹ سے شکست دے کر ٹورنامنٹ میں اہم کامیابی حاصل کرلی۔
گرین شرٹس نے 129 رنز کا ہدف تیز رفتار بیٹنگ کے ساتھ 15.3 اوورز میں تین وکٹوں کے نقصان پر پورا کیا۔
اوپنر صاحبزادہ فرحان نے ناقابلِ شکست 80 رنز کی شاندار اننگز کھیلی، جس میں 6 چوکے اور 5 چھکے شامل تھے صائم ایوب نے 20 اور بابراعظم نے 16 رنز بنائے، جبکہ عثمان خان 5 رنز کے ساتھ ناٹ آؤٹ رہے۔
اس سے قبل سری لنکا نے ٹاس جیت کر بیٹنگ کا فیصلہ کیا اور مقررہ 20 اوورز میں 7 وکٹوں پر 128 رنز بنائے جانتھ لیاناگے 41 رنز کے ساتھ نمایاں رہے، جبکہ کوشل پریرا نے 25 اور کامل مشرا نے 22 رنز اسکور کیے۔
پاکستان کی جانب سے محمد نواز نے عمدہ بولنگ کا مظاہرہ کرتے ہوئے 3 وکٹیں حاصل کیں اور میچ کے بہترین کھلاڑی قرار پائے، جب کہ سلمان مرزا، فہیم اشرف اور ابرار احمد نے ایک، ایک وکٹ حاصل کی۔
انجری کے باعث شاہین شاہ آفریدی میچ میں شرکت نہ کرسکے، ان کی جگہ محمد وسیم جونیئر کو فائنل الیون میں شامل کیا گیا۔
