بھارت–جنوبی افریقہ ٹیسٹ میں اسٹمپ مائیک گفتگو نے نیا تنازع کھڑا کر دیا

ایڈن گارڈنز میں جنوبی افریقہ کے خلاف جاری پہلے ٹیسٹ کے دوران بھارتی کھلاڑیوں کا غیر اخلاقی رویہ منظرعام پر آگیا۔

13ویں اوور میں ریویو کے لیے مشاورت کے دوران اسٹمپ مائیک پر جسپریت بمرا اور رشبھ پنت کی جانب سے جنوبی افریقی کپتان ٹیمبا باووما کے بارے میں نامناسب اور باڈی شیمنگ پر مبنی گفتگو ریکارڈ ہوئی۔

بمرا نے باووما کو “بونا” کہہ کر مخاطب کیا  جب کہ پنت نے بھی اس رویے کی تائید کی یہ واقعہ اس وقت پیش آیا جب گیند باووما کے پیڈ پر لگی اور بھارتی ٹیم ریویو پر غور کر رہی تھی۔

میچ میں جنوبی افریقہ نے ٹاس جیت کر پہلے بیٹنگ کا فیصلہ کیا تھا، تاہم بھارتی کھلاڑیوں کے اس برتاؤ نے کھیل کی اسپرٹ پر بحث چھیڑ دی ہے۔