مشکل حالات میں شہباز شریف بہترین چوائس ہیں، نواز شریف

اردو انٹرنیشنل(مانیٹرنگ ڈیسک) تفصیلات کے مطابق پاکستان کے سابق وزیراعظم میاں محمد نواز شریف نے پارلیمانی پارٹی کے اجلاس میں شہباز شریف کو وزیراعظم کے عہدے اور سردار ایاز صادق کو اسپیکر کے عہدے کیلئے نامزد کیا ہے۔

اپنے خطاب میں نواز شریف نے کہا کہ شہباز شریف کی ہمت ہے کہ جس طرح انھوں نے گذشتہ ڈیڑھ برس گزارے ہیں، میں ہوتا تو نہ چل سکتا۔

نواز شریف نے کہا کہ میں آج شہباز شریف کو وزیراعظم کے عہدے کے لیے ڈکلیئر کر رہا ہوں, ان حالات میں شہباز شریف بہترین چوائس ہے۔

انھوں نے کہا کہ میں شہباز شریف کو پاکستان کو ڈیفالٹ سے بچانے پر مبارکباد پیش کرتا ہوں. انھوں نے پاکستان کو مشکل سے نکالنے کی بھرپور کوشش کی ہے۔

نواز شریف نے کہا کہ پاکستان اس وقت بہت زخمی ہے ہم نے مل کر پاکستان کے زخم بھرنے ہیں۔