سرفراز احمد کو پاکستان ٹیسٹ ٹیم کا ہیڈ کوچ بنانے کا فیصلہ، ذرائع

پاکستان کرکٹ بورڈ  (پی سی بی) نے قومی ٹیسٹ ٹیم کے لیے اہم فیصلہ کرتے ہوئے سابق کپتان سرفراز احمد کو ہیڈ کوچ مقرر کرنے کا فیصلہ کر لیا ہے ذرائع کے مطابق ان کی تقرری کا باضابطہ اعلان جلد متوقع ہے۔

سرفراز احمد اپنی ذمہ داریاں بنگلا دیش کے خلاف آئندہ ٹیسٹ سیریز سے سنبھالیں گے یہ سیریز مئی میں کھیلی جائے گی اور ورلڈ ٹیسٹ چیمپئن شپ 2027 کا حصہ ہوگی پاکستان اور بنگلا دیش کے درمیان پہلا ٹیسٹ 8 مئی جبکہ دوسرا ٹیسٹ 16 مئی سے شروع ہوگا۔

واضح رہے کہ قومی ٹیسٹ ٹیم کے ہیڈ کوچ کا عہدہ کچھ عرصے سے خالی تھا، جب کہ جنوبی افریقہ کے خلاف حالیہ سیریز میں اظہر محمود نے عبوری ہیڈ کوچ کی ذمہ داریاں انجام دی تھیں۔

سرفراز احمد پاکستان کی جانب سے 54 ٹیسٹ میچز کھیل چکے ہیں، جن میں انہوں نے 3031 رنز اسکور کیے، جن میں چار سنچریاں اور 21 نصف سنچریاں شامل ہیں۔