رانا ثناء اللہ کا ہاکی فیڈریشن کے واجبات سے متعلق اہم اعلان

اردو انٹرنیشنل (اسپورٹس ویب ڈیسک) تفصیلات کے مطابق بین الصوبائی رابطے کے وفاقی وزیر راناثناء اللہ نے کہا ہے پاکستان ہاکی فیڈریشن (پی ایچ ایف) کے بقایاجات جلد ادا کئے جائیں گے، حکومت کی کوشش ہے کہ قومی کھیل ہاکی کو بہتر بنایا جائے۔

نصیر بندہ ہاکی اسٹیڈیم میں پی ایچ ایف کے عہدیداروں کے ساتھ میڈیا سے گفتگو کرتے ہوئے کہا کہ ہاکی ہمارا قومی کھیل ہے اور سب ہی اس کی بہتری کے خواہاں ہیں۔ ہاکی نے عالمی سطح پر پاکستان کو بے شمار کامیابیاں اور اعزازات دلائے ہیں، لیکن افسوس کی بات ہے کہ پچھلے چند برسوں سے ہاکی میں ہمیں خوشی کے مواقع نصیب نہیں ہو سکے۔

انہوں نے کہا کہ تمام ڈیپارٹمنٹس کو اپنی اسپورٹس ٹیمیں بنانا ہوگی ،ہائی پارفارمنس سینٹر اسلام آباد میں قائم کیاجاے گا ، موجودہ حکومت وزیر اعظم شہباز شریف کے ویژن کے تحت کھیلوں کے فروغ کے لیے کام کر رہی ہے۔

رانا ثناء اللہ نے کہا کہ کھیلوں کی سیاست میں جو افسر ملوث ہوگا اسے برطرف کردیں گے، پاکستان فٹبال فیڈریشن میں دنگے فساد ہوتے رہے فیفا نے پابندی عائد کی ، اس میں کچھ ہمارا بھی قصور تھاچاہتے ہیں کہ بہترین ایتھلیٹ کے لئے ایک واضح پالیسی لائی جائے۔

انہوں نے مزید کہا کہ پاکستان ہاکی فیڈریشن کے بقایاجات ہیں تو انہیں ضرور ادا کیے جائیں گے، اولمپکس میں ارشد ندیم نے جو گولڈ میڈل حاصل کیا اس پہ قوم نے پذیرائی کی۔