PSL: Babar Azam's brilliant century, Peshawar defeats Islamabad and makes it to the final-PSL
کراچی: پاکستان سپر لیگ کے 11ویں ایڈیشن کے کوالیفائر میں پشاور زلمی نے شاندار کارکردگی کا مظاہرہ کرتے ہوئے اسلام آباد یونائیٹڈ کو 70 رنز سے شکست دے کر فائنل کے لیے کوالیفائی کرلیا۔
اسلام آباد یونائیٹڈ نے ٹاس جیت کر پہلے فیلڈنگ کا فیصلہ کیا، پشاور زلمی نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 221 رنز بنائے۔
زلمی کے کپتان بابر اعظم نے شاندار بیٹنگ کا مظاہرہ کرتے ہوئے 103 رنز کی سنچری اسکور کی، جو پی ایس ایل میں ان کی چوتھی سنچری ہے۔ ان کے علاوہ کوسال مینڈس نے 41، محمد حارث نے 35 اور ایرون ہارڈی نے 20 رنز بنائے۔
اسلام آباد کی جانب سے شاداب خان نے 3 وکٹیں حاصل کیں۔
ہدف کے تعاقب میں اسلام آباد یونائیٹڈ کا آغاز اچھا رہا، تاہم ڈیون کانوے (20) اور سمیر منہاس (44) کے آؤٹ ہونے کے بعد بیٹنگ لائن سنبھل نہ سکی دیگر کھلاڑیوں میں محمد محسن (25) اور عماد وسیم (22) نمایاں رہے، مگر ٹیم 151 رنز تک محدود رہی۔
پشاور زلمی کی جانب سے ایرون ہارڈی نے 3 جبکہ صفیان مقیم اور محمد باسط نے 2، 2 وکٹیں حاصل کیں۔
