PSL 11: Peshawar Zalmi beat Multan Sultans by 24 runs-PSL
پاکستان سپر لیگ 11 میں پشاور زلمی کی شاندار کارکردگی کا سلسلہ برقرار ہے، جہاں انہوں نے ایک اہم میچ میں ملتان سلطانز کو 24 رنز سے شکست دے دی۔
ملتان سلطانز نے ٹاس جیت کر پہلے فیلڈنگ کا فیصلہ کیا، جس کے بعد پشاور زلمی نے مقررہ 20 اوورز میں 6 وکٹوں کے نقصان پر 196 رنز اسکور کیے۔
ٹیم کو جارحانہ آغاز محمد حارث نے فراہم کیا، جنہوں نے 17 گیندوں پر 38 رنز بنائے، جبکہ کوشل مینڈس نے عمدہ بیٹنگ کا مظاہرہ کرتے ہوئے 40 گیندوں پر 68 رنز کی اننگز کھیلی اور مسلسل تیسری نصف سنچری اسکور کی۔
ہدف کے تعاقب میں ملتان سلطانز کا آغاز اچھا رہا، تاہم ٹیم مطلوبہ رفتار برقرار نہ رکھ سکی اور مقررہ اوورز میں 8 وکٹوں کے نقصان پر 172 رنز بنا سکی شان مسعود (35)، اسٹیو اسمتھ (31) اور جوش فلیپی (32) نمایاں رہے، مگر ٹیم کو کامیابی نہ دلا سکے۔
پشاور زلمی کی جانب سے صفیان مقیم نے شاندار بولنگ کرتے ہوئے 3 وکٹیں حاصل کیں اور میچ کے بہترین کھلاڑی قرار پائے، جبکہ ناہید رانا نے دو کھلاڑیوں کو آؤٹ کیا۔
