افغانستان میں پھنسے پاکستانیوں کے حق میں سیاسی کارکنوں کا طورخم نادرا چوک میں مظاہرہ
اردو انٹرنیشنل (مانیٹرنگ ڈیسک ) تین روز سے افغانستان میں پھنسےدرجنوں پاکستانیوں کے حق میں سیاسی کارکنوں کا طورخم نادرا چوک میں مظاہرہ ،مظاہرہ میں مختلف سیاسی پارٹیوں کے کارکن شریک ہوئے. مظاہرین کا کہنا ہے کہ درجنوں پاکستانیوں کو پاکستان آتے ہوئی افغان فورسزنے طورخم سرحد پر روک لیاہے. روکے گئے پاکستانی پاسپورٹ اور ویزہ کے حامل ہیں جبکہ افغان فورسز نے پاکستانی شہریوں کے پاسپورٹ اپنے قبضہ میں لے لیےہیں.
مظاہرین کا کہنا ہے کہ افغانستان میں زبردستی روکے گئے پاکستانی شہریوں میں زیادہ تر مزدور اور ڈرائیور ہیں.مظاہریں کا کہنا ہے کہ اگر پاکستانیوں کو آنے نہیں دیا تو ردعمل میں افغانیوں کے لئے مشکلات پیدا کریں گے
واضح رہے کہ درجنوں پاکستانی شہریوں کو طورخم سرحد پرگزشتہ تین روز سے افغان فورسز نے پاکستان داخل ہونے سے روک رکھاہے.
