وزیر اعظم شہباز شریف کی طبیعت ناساز، دورہ ایران منسوخ کردیا
اردو انٹرنیشنل (مانیٹرنگ ڈیسک) وزیراعظم شہباز شریف نے طبیعت ناساز ہونے تمام مصروفیات ترک کردیں اور ڈاکٹروں نے انہیں مکمل آرام کا مشورہ دیا ہے۔
نجی ٹی وی کے مطابق حکومتی ذرائع نے بتایا کہ وزیراعظم طبیعت ناساز ہونے پر ڈاکٹرز کے مشورے پر تمام مصروفیات ترک کردیں جہاں ڈاکٹرز نے انہیں مکمل آرام کا مشورہ دیا ہے۔
خراب طبیعت کی وجہ سے وزیراعظم نے اپنا دورہ ایران بھی منسوخ کردیا ہے جہاں انہیں نو منتخب ایرانی صدر کی تقریب حلف برداری میں شرکت کرنی تھی۔
وزیر اعظم کے بجائے اب وزیر خارجہ اور نائب وزیراعظم اسحٰق ڈار پاکستانی وفد کی سربراہی کریں گے۔
