PCB announces schedule for tri-nation series-PCB
اردوانٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے ہفتے کے روز آئندہ سہ ملکی ون ڈے سیریز کے شیڈول کا اعلان کیا، جس میں پاکستان، نیوزی لینڈ اور جنوبی افریقہ شامل ہیں۔
یہ سیریز سنگل لیگ کی بنیاد پر 8 سے 14 فروری تک کھیلی جائے گی جس کے پہلے دو میچ لاہور کے مشہور قذافی اسٹیڈیم میں ہوں گے اور آخری لیگ میچ کے ساتھ فائنل کراچی کے نیشنل اسٹیڈیم میں ہونا ہے۔
سیریز کا آغاز 8 فروری بروز ہفتہ کو ہوگا جس کے افتتاحی میچ میں پاکستان کا مقابلہ نیوزی لینڈ سے ہوگا۔
پہلا میچ قذافی اسٹیڈیم میں دوپہر 2 بجے شروع ہو گا.
دس فروری بروز پیر، نیوزی لینڈ کا مقابلہ ایک روزہ میچ میں جنوبی افریقہ سے ہوگا، جو صبح 9 بجے شروع ہوگا۔
اس کے بعد ایکشن کراچی منتقل ہو جائے گا، جہاں پاکستان 12 فروری کو نیشنل اسٹیڈیم میں جنوبی افریقہ سے کھیلے گا، جو دوپہر 2 بجے شروع ہو گا.
سیریز کا اختتام جمعہ 14 فروری کو نیشنل اسٹیڈیم میں فائنل کے ساتھ ہوگا.
