PCB announces 49 players for red-ball and white-ball camps-PCB
لاہور: پاکستان کرکٹ بورڈ (پی سی بی) نے قومی کرکٹ اکیڈمی (این سی اے) میں ریڈ بال اور وائٹ بال کیمپس کے لیے مجموعی طور پر 49 کھلاڑیوں کے ناموں کا اعلان کر دیا ہے۔
پی سی بی کے مطابق ریڈ بال کیمپ آج سے شروع ہو کر 10 جولائی تک جاری رہے گا، جس میں 22 کھلاڑی شریک ہوں گے۔
ریڈ بال کیمپ کے لیے عامر جمال، عبداللہ فضل، ابرار احمد، علی عثمان، عماد بٹ، اذان اویس، بابر اعظم، امام الحق، خرم شہزاد، محمد عباس، محمد علی، محمد رضوان، محمد اویس ظفر، محمد غازی غوری، عبید شاہ، ساجد خان، سلمان علی آغا، ثاقب خان، سعود شکیل، شاہنواز دھانی، شہزاد گل اور شان مسعود کو شامل کیا گیا ہے۔
دوسری جانب وائٹ بال کیمپ 15 جون سے 18 ستمبر تک جاری رہے گا، جس میں 27 کھلاڑی حصہ لیں گے۔
وائٹ بال کیمپ کے لیے عبدالصمد، عبدالسبحان، احمد دانیال، عاکف جاوید، علی رضا، عرفات منہاس، فیصل اکرم، فخر زمان، فرحان یوسف، حیدر علی، حسن نواز، خواجہ محمد نافع، معاذ صداقت، محمد سلمان مرزا، نسیم شاہ، رضااللہ، روحیل نذیر، سعد بیگ، سعد مسعود، صاحبزادہ فرحان، صائم ایوب، سمیر منہاس، شاداب خان، شاہین شاہ آفریدی، شمائل حسین، سفیان مقیم اور عثمان خان کو موقع دیا گیا ہے۔
پی سی بی کا کہنا ہے کہ دونوں کیمپس کا مقصد کھلاڑیوں کو آئندہ بین الاقوامی اور ڈومیسٹک مقابلوں کے لیے تیار کرنا ہے۔
کیمپ کے دوران کھلاڑی قومی ٹیم اور این سی اے کے کوچز اور میڈیکل اسٹاف کی نگرانی میں فٹنس اور مہارتوں پر کام کریں گے، جبکہ انہیں ون آن ون سیشنز کے ذریعے بین الاقوامی کرکٹ کے تقاضوں سے ہم آہنگ کرنے کی بھی کوشش کی جائے گی۔
