پیرالمپکس : ٹرانس جینڈر ایتھلیٹ ویلنٹینا پیٹریلو فائنل کے لیے کوالیفائی کرنے میں ناکام

اردو انٹرنیشنل اسپورٹس ویب ڈیسک تفصیلات کے مطابق اٹلی سے تعلق رکھنے والی 50 سالہ ٹرانس جینڈر ایتھلیٹ ویلنٹینا پیٹریلو نے پیرس پیرالمپکس میں ٹی12، 400 میٹر ریس میں حصہ لیا۔ یہ کیٹگری بصارت سے محروم کھلاڑیوں کے لیے ہے۔

اپنی پہلی ریس میں، پیٹریلو 58.35 سیکنڈ کے وقت کے ساتھ دوسرے نمبر پر رہی، اور سیمی فائنل کے لیے کوالیفائی کر گئیں ۔ سیمی فائنل میں، وہ 57.58 سیکنڈز کا ذاتی بہترین وقت حاصل کرتے ہوئے اور بھی تیز دوڑیں۔ تاہم، وہ پھر بھی تیسرے نمبر پر رہی اور فائنل کے لیے کوالیفائی کرنے میں ناکام رہیں۔

اپنی سیمی فائنل ریس میں ایران کی حجر صفرزادہ غہدریجانی نے 56.07 سیکنڈ کے وقت کے ساتھ کامیابی حاصل کی، جب کہ وینزویلا کی الیجینڈرا پاولا پیریز لوپیز پیٹریلو سے ایک بار پھر آگے رہیں۔ پیٹریلو نے ابتدائی طور پر چھٹے تیز ترین رنر کے طور پر سیمی فائنل کے لیے کوالیفائی کیا تھا۔

فائنل ریس منگل کو شیڈول ہے، لیکن اب پیٹریلو اس میں شامل نہیں ہوں گی۔