Pakistan's Muhammad Saqib wins gold medal at World MMA Championship
اردو انٹرنیشنل (اسپورٹس ویب ڈیسک) تفصیلات کے مطابق انڈونیشیا میں ہونے والی ورلڈ ایم ایم اے چیمپئن شپ میں پاکستان کے محمد ثاقب نے گولڈ میڈل جیت لیا۔
گلوبل ایسوسی ایشن آف مسکڈ مارشل آرٹ کے تحت ورلڈ ایم ایم اے چیمپئن شپ جکارتہ میں ہوئی جس میں پاکستان کے محمد ثابت نے گولڈ میڈل اپنے نام کیاہے۔
انہوں نے انڈر18 کے 52 اشاریہ 2 کے جی کیٹیگری میں قازقستان کے کھلاڑی کو شکست دی۔
دونوں کے درمیان مقابلہ 3 راؤنڈ تک جاری رہا۔ محمد ثاقب نے دوسرے اور تیسرے راؤنڈ میں حریف کھلاڑیوں کو بے بس کردیا۔
اس کے علاوہ پاکستان کے محمود کمال نے مائنس 93 کلوگرام اور پلس 93 کلوگرام کیٹیگریز میں 2 کانسی کے تمغے جیتے۔
واضح رہے، چیمپئن شپ میں 63 ممالک کے 600 سے زائد کھلاڑیوں نے شرکت کی۔
