پاکستانی سٹرینتھ لفٹرز نے ورلڈ چیمپئن شپ میں چاندی اور کانسی کے تمغے جیت لیے

اردو انٹرنیشنل اسپورٹس ویب ڈیسک تفصیلات کے مطابق پاکستانی سٹرینتھ لفٹرز نے قازقستان میں 11ویں ورلڈ سٹرینتھ لفٹنگ چیمپئن شپ 2024 کے دوسرے دن شاندار کامیابی حاصل کرتے ہوئے اپنے ملک کے لیے مزید تمغے جیتے۔

محمد نوید جو گوجرانوالہ کی سیشن کورٹ میں ریڈر ہیں ،نے 95 کلوگرام کلاس (ماسٹر 1 زمرہ) میں ان لائن بینچ پریس، بائسپس کرلز، اور ہیک لفٹ کے لیے دو کانسی کے تمغے جیتے ہیں۔نوید نے ان لائن بینچ پریس میں 127 کلو گرام، بائسپس کرلز میں 77 کلوگرام، اور ہیک لفٹ میں 220 کلوگرام وزن اٹھا کر اپنی صلاحیتوں کا مظاہرہ کیا۔

اس کے علاوہ پاکستان کی مریم عقیل شاہ نےخواتین کی 58 کلوگرام کلاس (ماسٹر 1 کیٹیگری) میں حصہ لیا۔ اس نے کامیابی کے ساتھ ان لائن بینچ پریس میں 47 کلو، بائسپس کرلز میں 40 کلو، اور ہیک لفٹ میں 120 کلوگرام وزن اٹھایا۔اور دو چاندی کے تمغے جیتے .

ورلڈ سٹرینتھ لفٹنگ اینڈ ان لائن بینچ پریس چیمپیئن شپ 2024 کہلانے والی اس چیمپئن شپ میں بھارت، چین، نیپال اور کئی وسطی ایشیائی ممالک سمیت دس ممالک کے شرکاء شامل تھے۔

سرپرست اعلیٰ اعجاز گل، صدر عقیل جاوید بٹ، چیئرمین منظور شاہین، نائب صدر وقاص ظفر اور سہیل جاوید بٹ کی قیادت میں پاکستان سٹرینتھ لفٹنگ فیڈریشن کے عہدیدار ٹیم کی واپسی کے منتظر ہیں جبکہ تمغہ جیتنے والوں کے لیے 23 جولائی کو صبح 11 بجکر 45 منٹ پر لاہور ایئرپورٹ پر استقبالیہ تقریب کا منصوبہ ہے