نیڈن، 16 جنوری 2024: لیفٹ آرم پیسر عباس آفریدی پیٹ کے پٹھوں میں تکلیف کے باعث نیوزی لینڈ کے خلاف تیسرا ٹی ٹوئینٹی نہیں کھیلیں گے ۔ان کی اسکیننگ سے یہ بات سامنے آئی ہے کہ چوٹ معمولی ہے اور ان کا علاج کیا جا رہا ہے ۔تاہم سیریز کے آخری دو میچز یعنی چوتھے اور پانچویں ٹی ٹوئینٹی میں ان کی دستیابی ان کی صحت کو مدنظر رکھتے ہوئے کی جائے گی ۔یاد رہے ٹی ٹوئینٹی میں ڈیبیو کرنے والے عباس آفریدی نے سیریز کے پہلے دو میچز میں اچھی کارکردگی کا مظاہرہ کیا تھا انہوں نے نیوزی لینڈ کے خلاف پہلے ٹی ٹوئینٹی میں 3 جبکہ دوسرے میچ میں 2 وکٹیں حاصل کی تھیں ۔
اس کے ساتھ ہی پاکستان نے تیسرے ٹی ٹوئینٹی کے لیے پلیئنگ الیون کا اعلان کر دیا ہے ۔ٹیم میں تین تبدیلیاں کی گئی ہیں اور تینوں تبدیلیاں باؤلنگ کے شعبے میں کی گئی ہیں ۔ جبکہ اسامہ میر اور عامر جمال بھی تیسرا ٹی ٹوئینٹی نہیں کھیلیں گے ان کی جگہ وسیم جونیئر ،زمان خان اور محمد نواز نیوزی لینڈ کے خلاف تیسرا ٹی ٹوئینٹی کھیلیں گے ۔
پاکستان نیوزی لینڈ کے خلاف تیسرا ٹی ٹوئینٹی میچ بدھ 17 جنوری کو نیڈن میں کھیلے گا.
