Pakistan Squad Update Ahead of T20 World Cup 2024
اردو انٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) جون میں ہونے والے ورلڈ کپ کے ساتھ ساتھ آئرلینڈ اور انگلینڈ کے خلاف ٹی ٹوئنٹی اسائنمنٹس کے لیے اسکواڈ کا اعلان ایک یا دو دن میں کر سکتا ہے۔
ذرائع کے مطابق آئندہ میچز کے لیے 18 ارکان کو سکواڈ میں شامل کیا جائے گا۔
ٹی ٹوئنٹی ورلڈ کپ کے لیے اسکواڈ جمع کرانے کی آخری تاریخ یکم مئی ہے لیکن تبدیلیاں اگلے ماہ کی 25 تاریخ تک کی جا سکتی ہیں اس کے بعد ٹیم میں کسی بھی تبدیلی کے لیے انٹرنیشنل کرکٹ کونسل (آئی سی سی) سے منظوری درکار ہوگی۔
آئرلینڈ کے خلاف سیریز سے قبل پاکستان کرکٹ بورڈ (پی سی بی) کی جانب سے قومی ٹیم کے لیے مختصر کیمپ کا بھی امکان ہے۔
پاکستانی ٹیم مئی میں آئرلینڈ کے خلاف تین اور انگلینڈ کے خلاف چار ٹی ٹوئنٹی کھیلے گی۔
پاکستانی اسکواڈ بابر اعظم کی قیادت میں 7 مئی کو دورہ آئرلینڈ کے لیے روانہ ہوگا۔
