پاکستان نے ٹی20 کرکٹ میں ایک کیلنڈر سال میں سب سے زیادہ فتوحات کا نیا ریکارڈ قائم کر دیا
Pakistan sets new record for most wins in a calendar year in T20 cricket-PCB
راولپنڈی: پاکستان نے ہفتہ کو راولپنڈی کرکٹ اسٹیڈیم میں ہونے والے سہ فریقی ٹی20 انٹرنیشنل سیریز کے فائنل میں سری لنکا کو چھ وکٹوں سے شکست دے کر سال 2025 کا کامیاب اختتام کیا۔
سری لنکا نے پہلے بیٹنگ کرتے ہوئے 19.1 اوورز میں 114 رنز اسکور کیے پاکستان کی جانب سے شاہین آفریدی اور محمد نواز نے شاندار باؤلنگ کا مظاہرہ کرتے ہوئے تین، تین وکٹیں حاصل کیں۔
سری لنکن بیٹر کامل مشرا نے مزاحمت کرتے ہوئے 47 گیندوں پر 59 رنز کی اننگز کھیلی جس میں چار چھکے اور دو چوکے شامل تھے۔
ہدف کے تعاقب میں پاکستان کے اوپنرز صائم ایوب اور صاحبزادہ فرحان نے ٹیم کو مضبوط آغاز فراہم کیا سابق کپتان بابر اعظم نے 37 رنز کی اہم اننگز کھیل کر پاکستان کی جیت میں کردار ادا کیا، جبکہ ٹیم نے 18.4 اوورز میں ہدف حاصل کر لیا۔
اس کامیابی کے ساتھ پاکستان نے ٹی20 کرکٹ میں ایک کیلنڈر سال میں سب سے زیادہ فتوحات کا نیا قومی ریکارڈ قائم کیا 2025 میں گرین شرٹس نے 34 میں سے 21 میچ جیتے، جبکہ اس سے قبل 2021 میں 20، 2018 میں 17 اور 2022 میں 14 فتوحات حاصل کی گئی تھیں۔



