پاکستان کرکٹ ٹیم کا پاک فوج کی زیر نگرانی کاکول میں تربیتی کیمپ
اردو انٹرنیشنل (اسپورٹس ڈیسک )تفصیلات کے مطابق اس بات کا اعلان پاکستان کرکٹ بورڈ (پی سی بی) کے چیئرمین محسن نقوی نے اسلام آباد میں کھلاڑیوں سے خطاب کرتے ہوئے کیا جہاں وہ جاری پاکستان سپر لیگ (پی ایس ایل) سیزن 9 میں شرکت کے لیے جمع تھے۔
تفصیلات کے مطابق کیمپ 25 مارچ سے 8 اپریل تک نیوزی لینڈ کے خلاف ٹی ٹوئنٹی سیریز سے قبل شیڈول ہے
یاد رہے 2016 میں پاکستان ٹیم نے دورہ انگلینڈ سے قبل ایک کیمپ لگایا تھا۔
قبل ازیں کھلاڑیوں سے خطاب کرتے ہوئے نقوی نے ٹیم کے اندر میرٹ کی اہمیت پر زور دیا۔
نقوی نے کہا کہ ٹیم کا انتخاب مکمل طور پر میرٹ کی بنیاد پر کیا جائے گا اور کسی فرد کی خواہشات پر غور نہیں کیا جائے گا۔
اس کے بعد انہوں نے یقین دلایا کہ ہر مستحق کھلاڑی کو موقع ملے گا اور اگر میرٹ کو توڑا گیا تو اس کا خمیازہ پوری سلیکشن کمیٹی کو بھگتنا پڑے گا۔
