Pakistan announces 16-member squad for ODI series against Australia-PCB
پاکستان کرکٹ بورڈ (پی سی بی) نے آسٹریلیا کے خلاف ہوم ون ڈے سیریز کیلئے 16 رکنی قومی اسکواڈ کا اعلان کردیا۔ تین میچوں کی سیریز 30 مئی سے 4 جون تک راولپنڈی اور لاہور میں کھیلی جائے گی جبکہ آسٹریلوی ٹیم 23 مئی کو اسلام آباد پہنچے گی۔
قومی ٹیم کی قیادت شاہین شاہ آفریدی کریں گے جبکہ سلمان علی آغا نائب کپتان ہوں گے۔ اسکواڈ میں عبدالصمد، ابرار احمد، احمد دانیال، عرفات منہاس، بابر اعظم، حارث رؤف، معاذ صداقت، محمد غازی غوری، نسیم شاہ، روحیل نذیر، صاحبزادہ فرحان، شاداب خان، شامل حسین اور سفیان مقیم بھی شامل ہیں۔
پی سی بی کے مطابق عثمان خان بیماری کے باعث زیر غور نہیں آئے جبکہ فخر زمان اور صائم ایوب انجری کے باعث ری ہیب پروگرام جاری رکھے ہوئے ہیں۔ دوسری جانب محمد رضوان، فہیم اشرف، حسین طلعت، فیصل اکرم، وسیم جونیئر اور سعد مسعود کو اسکواڈ سے ڈراپ کردیا گیا ہے۔
ٹیم مینجمنٹ میں بھی تبدیلی کی گئی ہے اور کلف ڈیکن کی جگہ نئے فزیو افتخار کو ذمہ داریاں سونپ دی گئی ہیں۔
