ایران کو ورلڈ کپ سے کوئی نہیں روک سکتا، ایرانی فٹبال فیڈریشن

ایران فٹبال فیڈریشن نے کہا ہے کہ کوئی بیرونی طاقت ایران کو فٹبال ورلڈ کپ میں شرکت سے نہیں روک سکتی۔ ایرانی خبر ایجنسی کے مطابق فیڈریشن نے واضح کیا کہ قومی ٹیم اپنی صلاحیت کی بنیاد پر میگا ایونٹ کے لیے کوالیفائی کرچکی ہے اور بھرپور تیاریوں میں مصروف ہے۔

فیڈریشن کے مطابق ایرانی ٹیم کے تربیتی کیمپ ترکیہ روانگی تک جاری رہیں گے، جبکہ ورلڈ کپ کے آغاز میں تقریباً ایک ماہ باقی ہے۔

ایرانی فٹبال حکام نے مزید کہا کہ ایران ورلڈ کپ میں یقینی طور پر شرکت کرے گا، تاہم میزبان ملک کو ایران کے تحفظات کو مدنظر رکھنا ہوگا فیڈریشن نے میزبان کے رویے پر تنقید کرتے ہوئے کہا کہ اگر میزبانی کے آداب کا خیال نہ رکھا گیا تو ایران اپنے مؤقف کا بھرپور انداز میں اظہار کرے گا۔