نائیجیریا نے لیبیا میں ہونے والے، افریقہ کپ آف نیشنز کوالیفائر میچ کا بائیکاٹ کردیا

اردو انٹرنیشنل نائیجیریا کی قومی فٹبال ٹیم نے، 2025 افریقہ کپ آف نیشنز کوالیفائر میچ کے بائیکاٹ کردیا، یہ میچ لیبیا میں ہونا تھا۔ نائیجیریا نے یہ فیصلہ اس وقت کیا جب ان کے کھلاڑی رات بھر ہوائی اڈے پر پھنسے رہے۔

سپر ایگلز (نائیجیریا) اسکواڈ اتوار کو بن غازی پہنچنے والا تھا، لیکن ان کا طیارہ ال ابرق کی طرف موڑ دیا گیا، جو ان کی مطلوبہ منزل سے تقریباً 230 کلومیٹر دور تھا۔ نائیجیریا کے فٹبال فیڈریشن (این ایف ایف) کے ایک عہدیدار نے بتایا کہ ٹیم کو مکمل طور پر نظر انداز کر دیا گیا اور ہوائی اڈے کی عمارت کے اندر بند کر دیا گیا۔

نائیجیریا کے کپتان ولیم ٹروسٹ ایکونگ نے کہا کہ کھلاڑیوں نے میچ نہ کھیلنے کا فیصلہ کیا ہے اور حکومت سے اپیل کی ہے کہ وہ ان کی مدد کرے اور انہیں وہاں سے نکالے۔ نائیجیریا کے وزیر کھیل جان اوون اینوہ نے کہا کہ ان کی اولین ترجیح ٹیم کی بحفاظت واپسی ہے۔

لیبیا کے فٹبال فیڈریشن نے کہا کہ انہیں اس واقعے پر گہری تشویش ہے، لیکن انہوں نے اس بات کی تردید کی کہ یہ جان بوجھ کر کیا گیا تھا۔ لیبیا اور نائیجیریا کے نمائندے اس معاملے پر افریقی فٹبال کنفیڈریشن (سی اے ایف) کے ساتھ رابطے میں رہے۔

افریقی فٹبال کنفیڈریشن نے کہا کہ یہ معاملہ اس کےڈسپلنری بورڈ کے پاس بھیجا جائے گا اور اگر قواعد کی خلاف ورزی ہوئی ہے تو مناسب کارروائی کی جائے گی۔