حوثیوں کے حملوں سے بچنے کے لیے نہر سویز سے 100 سے زائد بحری جہاز واپس روانہ
اردو انٹرنیشنل (مانیٹرنگ ڈیسک) بحیرہ احمر میں یمن کے مغربی ساحل پر بحری جہازوں پر حملہ کرنے والے حوثی باغیوں کی وجہ سے عالمی تجارت میں خلل سے بچنے کے لیے 100 سے زیادہ کنٹینر پر مشتمل بحری جہاز جنوبی افریقہ کے ارد گرد روانہ کیے گئے ہیں۔
یمن میں بحری جنگی جہازوں پر حملے کے بعد ڈنمارک بھی حوثی فورسز کے خلاف امریکی افواج کے اتحاد میں شامل ہو گیا ہے۔
یمن نے وارننگ دی ہے کہ اگر امریکہ نے ان کے بحری جنگی جہازوں پر حملہ کیا تو وہ امریکی جنگی جہازوں پر میزائلوں سے جوابی حملہ کریں گے۔
ایران کے ساتھ منسلک حوثی باغیوں نے کہا ہے کہ انہوں نے غزہ پر اسرائیل کی بمباری کے جواب میں بحری جہازوں پر حملہ کیا۔ اسرائیل غزہ پر قابض حماس کے حملے کا جوابی کارروائی کر رہا ہے۔ امریکہ نے منگل کو کہا کہ وہ نہر سویز میں جہاز رانی کے تحفظ کے لیے بحری اتحاد کی قیادت کرنے کی کوشش کرے گا۔
ہر سال تقریباً 19,000 بحری جہاز نہر سویز سے گزرتے ہیں، جو اسے دنیا کے اہم راستوں میں ایک ہے، خاص طور پر یہ راستہ جیواشم ،ایندھن اور سامان ایشیا اور یورپ کے درمیان منتقل کرنے کے لیےاستعمال کیا جاتا ہے۔
