محسن نقوی کا اپ گریڈیشن کے کام کی نگرانی کے لیے قذافی اسٹیڈیم کا دورہ
اردو انٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) کے چیئرمین محسن نقوی نے بدھ کو قذافی سٹیڈیم لاہور کا دورہ کیا جہاں اس وقت جاری اپ گریڈیشن کے کام کا جائزہ لیا گیا۔
عام تعطیل ہونے کے باوجود نقوی نے اسٹیڈیم کا دورہ کیا اور احاطے کے اندر دفاتر کو منہدم کرنے کا معائنہ کیا انہوں نے 30 جون تک دفاتر کی مسماری مکمل کرنے کا ٹاسک دیا۔
انہوں نے اس بات کی بھی تصدیق کی کہ عید کی تعطیلات کے بعد مشینری اور افرادی قوت میں اضافہ کیا جائے گا۔
رواں ماہ کے شروع میں پی سی بی نے آئندہ سال ہونے والی چیمپئنز ٹرافی کا شیڈول حتمی منظوری کے لیے آئی سی سی کو بھجوایا تھا جہاں کہا گیا تھا کہ ٹورنامنٹ 19 فروری سے 9 مارچ تک کراچی، لاہور اور راولپنڈی میں ہوگا۔
ٹورنامنٹ میں کل 15 میچز ہوں گے اور بھارت اپنے تمام میچ لاہور میں کھیلے گا۔
آئی سی سی چیمپئنز ٹرافی 2025 کے لیے جن ٹیموں کی تصدیق کی گئی ہے ان میں پاکستان (میزبان)، بھارت، جنوبی افریقہ، آسٹریلیا، نیوزی لینڈ، افغانستان، انگلینڈ اور بنگلہ دیش شامل ہیں۔
