Israeli forces continue to bombard Gaza, killing 249 more Palestinians
غزہ میں اسرائیلی فورسز کی بمباری جاری، مزید 249 فلسطینی شہید
اردو انٹرنیشنل (مانیٹرنگ ڈیسک) غزہ پر اسرائیلی فوج کے وسیع پیمانے پر حملوں کا سلسلہ جاری ہے، رات گئے شمالی اور وسطی غزہ کے مختلف مقامات پر راکٹ داغے گئے۔
انٹرنیشنل میڈیا کے مطابق اسرائیلی فورسز نے الاقصیٰ ہسپتال کے اطراف میں ایک بار پھر بمباری کردی، تازہ حملوں میں مزید کئی شہادتوں کی اطلاعات ہیں۔
24 گھنٹوں میں 249 افراد اسرائیلی دہشت گردی کی بھینٹ چڑھ گئے، شہدا کی مجموعی تعداد 23 ہزار کا ہندسہ عبور کرگئی۔
مغربی کنارے میں بھی قابض فوج کی خون ریز کارروائیاں جاری ہیں، تلکریم میں 3 نوجوانوں کو گولیاں مار کر شہید کردیا گیا۔
نوجوانوں کو شہید کرنے کے بعد ان کی لاشوں کی بےحرمتی بھی کی گئی، اسرائیلی دہشت گردی کے بعد تلکریم میں بڑی تعداد میں شہری سڑکوں پر نکل آئے اور اسرائیل مخالف نعرے بلند کیے۔
