فٹسال ورلڈ کپ 2024: مراکش اور قازقستان نے کوارٹر فائنل کے لیے کوالیفائی کر لیا

اردو انٹرنیشنل اسپورٹس ویب ڈیسک تفصیلات کے مطابق ایران کو جمعرات کو فیفا فٹسال ورلڈ کپ 2024 میں مراکش کے خلاف 4-3 سے شکست کا سامنا کرنا پڑا اور وہ کوارٹر فائنل میں کوالیفائی کرنے میں ناکام رہا۔

بخارا کے سنسنی خیز مقابلے میں ٹیم میلی کو شکست دینے کے بعد کوارٹر فائنل میں مراکش کا مقابلہ برازیل سے ہوگا۔
ایران کی جانب سے محمد حسین درخشانی نے کھیل کے چوتھے منٹ میں پہلا گول کیا ،21 ویں منٹ میں حسین طیبی نے اور اس کے اگلے ہی منٹ میں مسلم اولادغوباد نے گول کیا۔

دوسری جانب مراکش کی جانب سے خالد بوزید نے کھیل کے 7ویں منٹ میں، علیرضا رفیع پور نے 11ویں منٹ میں، صوفیانے المسرار نے 17ویں منٹ میں اور ادریس رئیس ال فینی نے کھیل کے 20ویں منٹ میں گول کیا۔


مراکش کے صوفیان چارروئی کو میچ کا بہترین کھلاڑی قرار دیا گیا۔ ایران کے کوچ واحد شمسی نے میچ کے بعد کہا کہ “ہم نے بہت اچھی شروعات کی، لیکن ہم اس کے بعد پہلے ہاف میں کھیل پر کنٹرول برقرار نہیں رکھ سکے۔”

انہوں نے مزید کہا کہ “دوسرا ہاف بالکل مختلف تھا اور ہم نے بہت سارے مواقع بنائے۔ ہم نے دو منٹ سے بھی کم وقت میں دو گول کیے، لیکن قسمت ہمارے ساتھ نہیں تھی۔ یہ ختم ہو گیا ہے۔ مراکش کے لیے نیک تمنائیں ۔‘‘

قازقستان کی قومی فٹسال ٹیم نے 26 ستمبر کو اندیجان میں موجودہ عالمی چیمپئن پرتگال کو شکست دی اور ازبکستان میں ہونے والے فیفا فٹسال ورلڈ کپ 2024 کے کوارٹر فائنل میں پہنچ گئی۔
میچ میں چنگیز یسینامانوف نے پہلا گول کیا۔ اس کے بعد پرتگال کی طرف سے زیکی نے برابر کا گول کر دیا۔ میچ کے اختتام پر جب چند سیکنڈ باقی رہ گئے، داؤ گوور نے ایک فیصلہ کن گول کیا جس سے قازقستان کی ٹیم کو کامیابی ملی۔