India won the ICC Women's ODI World Cup for the first time-ICC
نوی ممبئی کے ڈاکٹر ڈی وائی پاٹل اسپورٹس اکیڈمی میں اتوار کے روز ہندوستان نے جنوبی افریقہ کو 52 رنز سے شکست دے کر پہلی بار آئی سی سی ویمن ون ڈے ورلڈ کپ اپنے نام کر لیا۔
ہدف 299 رنز کے تعاقب میں جنوبی افریقہ کی ٹیم 45.3 اوورز میں 246 رنز پر ڈھیر ہو گئی۔
کپتان لورا وولوارڈٹ نے 98 گیندوں پر 101 رنز کی شاندار اننگز کھیلی، تاہم دیگر بیٹرز خاطر خواہ کارکردگی نہ دکھا سکیں ہندوستان کی جانب سے دیپتی شرما نے تباہ کن بولنگ کا مظاہرہ کرتے ہوئے 9.3 اوورز میں 39 رنز کے عوض 5 وکٹیں حاصل کیں، جب کہ شفالی ورما نے دو اور شری چرانی نے ایک وکٹ حاصل کی۔
اس سے قبل ہندوستان نے ٹاس جیت کر بیٹنگ کا فیصلہ کیا اور اوپنرز اسمرتی مندھانا (45) اور شفالی ورما (87) نے 104 رنز کی شراکت سے شاندار آغاز فراہم کیا۔
دیپتی شرما نے 58 گیندوں پر 58 رنز بنا کر ٹیم کو 298-8 تک پہنچایا، جب کہ ریچا گھوش نے 24 گیندوں پر 34 رنز کی تیز اننگز کھیلی۔
دیپتی شرما کو آل راؤنڈ کارکردگی پر پلیئر آف دی میچ قرار دیا گیا اس تاریخی کامیابی کے ساتھ ہندوستانی ویمن کرکٹ ٹیم نے پہلی مرتبہ ون ڈے ورلڈ کپ کا تاج اپنے سر سجا لیا۔
