بھارت نے ڈیوس کپ گروپ ون کے پلے آف مقابلے جیت لیے
دونوں ٹیمیں پلے آف میچ میں پاکستان سپورٹس کمپلیکس اسلام آباد کے گراس کورٹس پر مدمقابل ہوئیں بھارت نے ڈیوس کپ گروپ ون کے پلے آف مقابلے جیت لیے.
پاکستان کے خلاف ڈیوس کپ ٹائی جیت کر بھارت ورلڈ گروپ ون میں پہنچ گیا، سنگلز کے بعد ڈبلز مقابلے میں بھی پاکستان کامیابی حاصل نہ کرسکا۔ڈیوس کپ ٹائی کے دوسرے روز بھارت نے ڈ بلز مقابلہ جیت کر پاکستان کے خلاف تین صفر کی فیصلہ کن برتری حاصل کر لی ۔ پاکستان کے عقیل خان اور مزمل مرتضیٰ کی جوڑی کو ڈبلز میں شکست کا سامنا کرنا پڑا، بھارت نے ڈبلز میں چھ دو اور سات چھ سے کامیابی حاصل کی۔ بھارت نے پاکستان کو مجموعی طور پر 8 بارڈیوس کپ میں شکست دی۔ واضح رہے کہ ڈیوس کپ ٹائی کےپہلےدن اعصام الحق اورعقیل خان کو بھی سنگل مقابلوں میں بھارتی کھلاڑیوں کے ہاتھوں شکست ہوئی تھی۔
