محمدحارث پاکستان شاہینز کے وائٹ بال کپتان مقرر

محمدحارث پاکستان شاہینز کے وائٹ بال کپتان مقرر

اردو انٹرنیشنل (اسپورٹس ڈیسک )تفصیلات کے مطابق پیر کے روز محمد حارث کو آسٹریلیا کے شہر ڈارون میں 4 سے 18 اگست تک شیڈول 50 اوور کے دو میچوں اور نو ٹیموں کی ٹاپ اینڈ ٹی ٹوئنٹی سیریز کے لیے پاکستان شاہینز کا وائٹ بال کا کپتان مقرر کیا گیا ۔

حارث نے آخری بار کولمبو میں اے سی سی مینز ایمرجنگ ٹیمز ایشیا کپ 2023 میں پاکستان شاہینز کی قیادت کی تھی فائنل میں پاکستان شاہینز نے بھارت کو 128 رنز سے شکست دے کر ٹائٹل کا کامیابی سے دفاع کیا۔

پاکستان شاہینز مسلسل دوسرے سال ڈارون سیریز میں شرکت کرے گی گزشتہ سال این ٹی اسٹرائیک نے ٹاپ اینڈ ٹی ٹوئنٹی سیریز کے فائنل میں شاہینز کو 46 رنز سے شکست دی تھی، اس سے قبل پاکستان شاہینز نے پی این جی کو 224 رنز سے اور ناردرن اسٹرائیک کو 84 رنز سے شکست دی تھی۔

اسکواڈ:محمد حارث (کپتان)، عبدالفصیح، عرفات منہاس، عارف یعقوب، فیصل اکرم، حسیب اللہ (وکٹ کیپر)، محمد عرفان خان، جہانداد خان، کاشف علی، محمد ہریرہ، محمد عمران جونیئر، عمیر بن یوسف، صاحبزادہ فرحان، شاہنواز دہانی اور عثمان خان