گلین میکسویل نے پاکستان کے دورہ آسٹریلیا سے قبل بابر اور شاہین کو بڑا خطرہ قراردے دیا
اردوانٹرنیشنل(اسپورٹس ڈیسک) تفصیلات کے مطابق آسٹریلیا کے آل راؤنڈر گلین میکسویل نے بابر اعظم اور شاہین شاہ آفریدی کو آئندہ وائٹ بال سیریز میں ہوم سائیڈ کے لیے بڑا خطرہ قرار دیا ہے۔
پاکستان 6 میچوں کی وائٹ بال سیریز کے لیے نومبر میں آسٹریلیا کا دورہ کرنے والا ہے، جس کا آغاز 4 نومبر کو ون ڈے سیریز سے ہوگا۔
مشہور میلبورن کرکٹ گراؤنڈ سیریز کے افتتاحی میچ کی میزبانی کرے گا، جبکہ اس کے بعد کے میچ بالترتیب 8 اور 10 نومبر کو ایڈیلیڈ اور پرتھ میں شیڈول ہیں۔
ون ڈے سیریز کے بعد تین میچوں کی ٹی ٹوئنٹی سیریز ہوگی، جس کا آغاز 14 نومبر سے ہوگا۔
گلین میکسویل نے میلبورن میں میڈیا سے گفتگو کرتے ہوئے پاکستان کی غیر متوقع صورتحال پر روشنی ڈالی اور گرین شرٹس کو خطرناک اپوزیشن قرار دیا۔
میکسویل نے کہا کہ پاکستان ٹیم مختلف اوقات میں بہت خطرناک ہو سکتی ہے وہ ماضی میں ہمارے لیے مخالفین کو چیلنج کرتے رہے ہیں۔
جب آپ پاکستان جیسی ٹیم کے خلاف کھیل رہے ہوتے ہیں تو وہ غیر متوقع ہو سکتے ہیں، جس کی وجہ سے ان کے خلاف کھیلنا بہت مشکل ہو جاتا ہے، آپ کبھی نہیں جانتے کہ ان سے کیا امید رکھی جائے۔
اس کے بعد میکسویل نے پاکستان کے اسٹار بلے باز بابر اعظم اور تیز گیند باز شاہین آفریدی کی تعریف کی انہوں نے اس بات پر زور دیا کہ آسٹریلوی ٹیم کو بابر اور شاہین کی جانب سے درپیش چیلنج سے آئندہ سیریز میں موثر انداز میں نمٹنا چاہیے۔
آل راؤنڈر نے کہا کہ ‘ان کے پاس کچھ عالمی معیار کے کھلاڑی ہیں، ہمیں بابر اعظم پر نظر رکھنی ہے، وہ سپر اسٹار کھلاڑی ہیں اور شاہین آفریدی، وہ نئی گیند کے ساتھ جادوگر ہیں.
ہم اس سیریز کو ہلکہ نہیں لے رہے ہیں ہم سیریز کی تیاری کر رہے ہیں ہمیں پاکستان کے خلاف برتری حاصل کرنے کے لیے اپنی بہترین کارکردگی دکھانے کی ضرورت ہے۔