اردو انٹرنیشنل اسپورٹس ویب ڈیسک تفصیلات کے مطابق ڈچ گرینڈ پریکس میں، میک لارن کے لینڈو نورس نے ریس جیت کر اپنے ہوم ٹریک پر میکس ورسٹاپن کی جیت کا سلسلہ ختم کردیا۔ یہ فتح نورس کی اپنے فارمولا ون کیرئیر میں دوسری جیت تھی۔
ورسٹاپن، ایک ریڈ بل ڈرائیور اور ٹرپل ورلڈ چیمپیئن نے یہ ریس دوسرے نمبر پر رہتے ہوئے ختم کی اور نورس سے 22.896 سیکنڈ پیچھے رہے ۔ ورسٹاپن نے شروع میں برتری حاصل کرتے ہوئے مضبوط آغاز کیا، لیکن نورس نے اسے 72 لیپ ریس کے 18ویں لیپ پر پاس کر دیا۔ فراری کے چارلس لیکرک جو آگاز میں چھٹے نمبر پر تھے تیسرے نمبر پر رہے۔
یہ ریس اہم تھی کیونکہ 2021 میں ریس کے کیلنڈر میں واپس آنے کے بعد یہ پہلا موقع تھا جب ورسٹاپن ، زنڈوورٹ میں نہیں جیتا ۔ مزید برآں، اس سیزن میں ورسٹاپن کے ہارنے کا سلسلہ اب پانچ ریسوں تک پہنچ گیا ہے۔
اس جیت کے ساتھ ہی نورس نے 24 میں سے 15 ریسوں کے بعد چیمپئن شپ میں ورسٹاپن کی برتری کو 70 پوائنٹس تک کم کر دیا۔ میک لارن نے کنسٹرکٹرز چیمپئن شپ میں ریڈ بل کی برتری کو بھی 30 پوائنٹس تک کم کر دیا۔
ریس جیتنے کے بعد نورس نے کہا کہ یہ ریس انہیں حیرت انگیز محسوس ہوئی، حالانکہ یہ ایک بہترین ریس نہیں تھی کیونکہ پہلی لیپ میں مسئلہ تھا۔ تاہم، اس کے بعد، سب کچھ ٹھیک ہو گیا. نورس نے ریس کو سادہ لیکن پھر بھی چیلنجنگ اور پرلطف قرار دیا۔ اس سے قبل اس نے مئی میں میامی میں اپنی پہلی فارمولا ون ریس جیتی تھی۔
نورس نے کار کی کارکردگی کی تعریف کی اور ورسٹاپن کو پاس کرنے اور برتری برقرار رکھنے میں لطف اٹھایا۔
