پاکستان کرکٹ ٹیم کے آل راؤنڈر محمد نواز نے مبینہ ڈوپنگ معاملے پر اپنا تحریری مؤقف انٹرنیشنل کرکٹ کونسل کو جمع کرا دیا ہے۔
ذرائع کے مطابق ٹی ٹوئنٹی ورلڈ کپ کے دوران کیے گئے ڈوپ ٹیسٹ میں ان کا نتیجہ مثبت آیا، جس کے بعد آئی سی سی نے باضابطہ انکوائری شروع کر دی ہے۔
پاکستان کرکٹ بورڈ کے ترجمان کا کہنا ہے کہ اس معاملے کی مکمل کارروائی آئی سی سی کے دائرہ اختیار میں ہے اگر الزامات ثابت ہوئے تو ورلڈ اینٹی ڈوپنگ ایجنسی کے قوانین کے تحت محمد نواز کے خلاف سخت کارروائی عمل میں لائی جا سکتی ہے۔
