ڈیوڈ وارنر بھارتی فلم کی شوٹنگ میں ڈان کا کردارادا کرتےنظر آئے، تصاویروائرل
اردوانٹرنیشنل(اسپورٹس ڈیسک) تفصیلات کے مطابق آسٹریلوی کرکٹ لیجنڈ ڈیوڈ وارنر شوبز میں دھوم مچا رہے ہیں، منگل کو میلبورن میں دریائے یارا کے کنارے فلم کی شوٹنگ کے دوران دیکھا گیا۔
سنتیس سالہ نوجوان کو سفید رنگ کی اسٹائلش شرٹ پہنے اور پراسرار شوٹ کے لیے ایک سرخ ہیلی کاپٹر سے باہر نکلتے ہوئے دیکھا گیا۔
ڈیوڈ وارنر کی منفرد انداز میں تصاویر اور ویڈیوز وائرل ہو رہی ہیں جنہیں وارنر کی ایکشن فلم کی شوٹنگ بتایا جا رہا ہے، ڈیوڈ وارنر نے گردن اور ہاتھوں پر ٹیٹو بنوائے ہیں اور اسلحہ بھی تھاما ہوا ہے
سوشل میڈیا پروائرل تصاویر میں وارنر کو سرخ رنگ کے ہیلی کاپٹر سے جمپ لگا کر اترتے اور پھر ایک بڑی لالی پوپ کے ساتھ بھی دیکھا جا سکتا ہے۔
ڈیوڈ وارنر کے اس پراجیکٹ کا کوئی باضابطہ اعلان نہیں کیا گیا تاہم اس پراجیکٹ کو بالی وڈ کا پراجیکٹ قرار دیا جا رہا ہے.
اگرچہ شوٹنگ کی اصل نوعیت ابھی تک واضح نہیں ہے، لیکن برصغیر کے فلمی عملے کی موجودگی اس کا اشارہ دے سکتی ہے۔.
یاد رہے کہ وارنر نے رواں سال جون میں آسٹریلیا کے ٹی ٹوئنٹی ورلڈ کپ سے باہر ہونے کے بعد انٹرنیشنل کرکٹ سے ریٹائرمنٹ کا اعلان کیا تھا۔
