Chandran Ashwin broke Muralitharan's Test record-AFP
چندرن ایشون نے مرلی دھرن کا ٹیسٹ ریکارڈ برا بر کر دیا
اردوانٹرنیشنل(اسپورٹس ڈیسک) تفصیلات کے مطابق اسپنر روی چندرن ایشون نے سری لنکا کے سابق لیجنڈری اسپنر مرلی دھرن کا ٹیسٹ کرکٹ کا ورلڈ ریکارڈ برا بر کر دیا۔
منگل کے روز بھارت نے بنگلادیش کو کانپور ٹیسٹ میں شکست دے کر سیریز2-0 سے اپنے نام کرلی۔
بنگلادیش کے خلاف ٹیسٹ سیریز میں ایشون نے گیند اور بلے دونوں سے شاندار کارکردگی کا مظاہرہ کیا۔
مہمان ٹیم کے خلاف ایشون نے چنئی ٹیسٹ میں مشکل وقت میں سنچری اسکور کی تھی اور سیریز میں مجموعی طور پر 11 وکٹ حاصل کیںاسی شاندار کارکردگی پر ایشون کو مین آف دی سیریزکے ایوارڈ سے نوازا گیا ۔
ایشون نے سری لنکا کے مرلی دھرن کا ٹیسٹ کرکٹ میں سب سے زیادہ مین آف دی سیریز کا ایوارڈ جیتنے کا ورلڈ ریکارڈ برابر کر دیا۔
مرلی دھرن نے اپنے کیریئر میں 56 ٹیسٹ سیریز میں 11 بار پلیئر آف دی سیریز کا ایوارڈ اپنے نام کیا جبکہ ایشون نے 11 پلیئر آف دی سیریز ایوارڈ اپنی 35 سیریز میں جیتے ہیں۔
واضح رہے کہ مرلی دھرن ٹیسٹ کرکٹ میں سب سے زیادہ 800 وکٹ لینے والے باولر ہیں جبکہ ایشون اب تک 102 ٹیسٹ میں 527 وکٹ حاصل کر چکے ہیں۔
