اردو انٹرنیشنل اسپورٹس ویب ڈیسک تفصیلات کے مطابق بنڈس لیگا سیزن میں بائرلیور کوزن نے ناقابلِ یقین واپسی کرتے ہوئے وولفسبرگ کو 4-3 سے شکست دی۔ لیکن لیور کوزن کا میچ کا آغاز کچھ متاثر کن نہیں رہا کیونکہ کھیل کے چوتھے منٹ میں ہی نورڈی موکیلی نے گول کرکے وولفسبرگ کو برتری دلادی ، لیکن لیورکوزن نے فوری جواب دیا اور فلورین ورٹز کی مدد سے جلد ہی برابری کردی ۔ اور پھر اس کے بعد جوناتھن تاہ نے لیورکوزن کو ہیڈر کے ذریعے کیے گئے گول سے برتری دلا دی جس سے اسکور 2-1 ہوگیا۔
وولفسبرگ نے جوابی مقابلہ کیا، سیبسٹیان بورناو کے ہیڈر کے ساتھ برابری کی اور پھر ہاف ٹائم سے ٹھیک پہلے میٹیاس سوانبرگ کے ذریعے دوبارہ برتری حاصل کرلی اور اسکور 3-2 ہوگیا۔
تاہم ہاف ٹائم کے بعد لیورکوزن زیادہ پرجوش نظرآیا اور 49 ویں منٹ میں متبادل کھلاڑی پیرو ہنکاپی نے کارنر سے گول کر کے میچ دوبارہ برابر کر دیا۔ کوچ زابی الونسو نے اٹیکر بونیفیس اور مارٹن ٹیریر کو فاتح گول کے لیے آگے بڑھایا، اور وولفسبرگ نے دباؤ سے نمٹنے کے لیے جدوجہد تیز کردی۔
Photo-Reuters
لیکن وولفسبرگ کی پریشانی میں اس وقت مزید اضافہ ہوگیا جب متبادل کھلاڑی یانک گیرہارٹ کو 88ویں منٹ میں جیرمی فریمپونگ پر فاؤل کرنے پر ریڈ کارڈ ملا۔ اور پھر میچ کے 93 ویں منٹ میں بونیفیس نے لیورکوزن کے لیے سنسنی خیز جیت کو یقینی بنانے کے لیے اسٹاپیج ٹائم میں فیصلہ کن گول اسکور کیا۔ اس جیت کے اب لیورکوزن کے لیگ میں چار گیمز میں نو پوائنٹس ہیں۔
