لوئر دیر: بارودی مواد پھٹنے سے بم ڈسپوزل سکواڈ کا ایک اہلکار شھید جبکہ ایک شدید زخمی
اردو انٹرنیشنل ( مانیٹرنگ ڈیسک ) تفصیلات کے مطابق گذشتہ روز لوئر دیر پولیس کی بم ڈسپوزبل ٹیم بمقام زولم دریائے پنچکوڑہ کے کنارے بارودی مواد ناکارہ بنا رہے تھے کہ اسی دوران بارودی مواد پھٹ گیا.
بارودی مواد ناکارہ بناتے ہوئے بی ڈی یو (BDU) اہلکاران پر بارودی مواد پھٹنے سے کنسٹیبل سبزی علی شہید جبکہ ہیڈ کنسٹیبل اجمل شدید زخمی ہوگیا ہے.
دھماکے کی خبر ملتے ہی ریسکیو ٹیمیں جائے وقوعہ پر پہنچ گئی اور شہید اہلکار کی ڈیڈ باڈی اور زخمی اہلکار کو فوراً ڈی ایچ کیو ہسپتال تیمرگرہ لے گئے. واقعے کی اطلاع ملتے ہی ڈسٹرکٹ پولیس آفیسر تیمرگرہ نے ڈی ایچ کیو ہسپتال کا دورہ کیا اور ڈاکٹروں کو ہدایت دی کہ زخمیوں کا بہترین علاج کیا جائے.
بعد میں شہید اہلکار سبز علی کی نماز جنازہ سرکاری اعزاز کے ساتھ پولیس لائن تیمرگرہ میں ادا کی گئی. نماز جنازہ میں سینئر پولیس افسران کے ساتھ ساتھ عام پولیس اہلکار بھی موجود تھے.
شہید اہلکار سبز علی کی جسد خاکی کو لوئر دیر پولیس نے سلامی پیش کی جبکہ جسد خاکی پر پھولوں کے گلدستے بھی رکھے گئے.
