Babar Azam sets another world record in T20-PSL
پاکستان کے اسٹار بیٹر بابر اعظم نے ٹی ٹوئنٹی کرکٹ میں ایک اور بڑا سنگ میل عبور کرتے ہوئے عالمی ریکارڈ اپنے نام کر لیا ہے پاکستان سپر لیگ میں پشاور زلمی کی نمائندگی کرتے ہوئے بابر اعظم نے کراچی کنگز کے خلاف میچ کے دوران 12 ہزار ٹی ٹوئنٹی رنز مکمل کیے اور اس اعزاز کو حاصل کرنے والے تیز ترین بلے باز بن گئے۔
بابر اعظم نے یہ کارنامہ محض 338 اننگز میں انجام دیا، جس کے ساتھ ہی انہوں نے ویسٹ انڈیز کے سابق جارح مزاج بیٹر کرس گیل کا ریکارڈ توڑ دیا، جنہوں نے 345 اننگز میں یہ سنگ میل عبور کیا تھا۔
اس سے قبل ویرات کوہلی نے 360 اور ڈیوڈ وارنر نے 368 اننگز میں 12 ہزار ٹی ٹوئنٹی رنز مکمل کیے تھے۔
اس شاندار کامیابی کے ساتھ بابر اعظم دنیا کے 12 ہزار ٹی ٹوئنٹی رنز بنانے والے 12ویں کھلاڑی جبکہ دوسرے پاکستانی بن گئے ہیں اس سے پہلے یہ اعزاز پاکستان کے سابق کپتان شعیب ملک کے پاس تھا۔
