Babar Azam equals the record for most runs in PSL-PSL
بابر اعظم نے پاکستان سپر لیگ (پی ایس ایل) میں ایک اور سنگِ میل عبور کرتے ہوئے ریکارڈ کی برابری کر دی پشاور زلمی کے کپتان نے اسلام آباد یونائیٹڈ کے خلاف پی ایس ایل 11 کے کوالیفائر میں 103 رنز کی شاندار اننگز کھیلی، جس میں 4 چھکے اور 12 چوکے شامل تھے۔
یہ سنچری رواں سیزن میں ان کی دوسری جبکہ پی ایس ایل کی مجموعی طور پر چوتھی سنچری ہے، جس کے ساتھ وہ عثمان خان کے ہمراہ لیگ میں سب سے زیادہ سنچریاں بنانے والے کھلاڑیوں میں مشترکہ طور پر پہلے نمبر پر آ گئے ہیں۔
مزید برآں، بابر اعظم نے ایک ایڈیشن میں سب سے زیادہ رنز بنانے کا فخر زمان کا ریکارڈ بھی برابر کر دیا ہے وہ اب تک ایونٹ میں 588 رنز بنا چکے ہیں، جو فخر زمان نے 2022 میں لاہور قلندرز کی نمائندگی کرتے ہوئے بنائے تھے۔
قابلِ ذکر بات یہ ہے کہ بابر اعظم پی ایس ایل کی تاریخ میں چار مرتبہ ایک سیزن میں 500 یا اس سے زائد رنز بنانے والے واحد کھلاڑیوں میں شامل ہو چکے ہیں۔
