Babar Azam close to breaking Saeed Anwar's record, historic series begins in Faisalabad-Image Credit-X
لاہور: پاکستان کے اسٹار بلے باز بابر اعظم نے جمعہ کے روز جنوبی افریقہ کے خلاف دوسرے ٹی ٹوئنٹی انٹرنیشنل کے دوران ایک تاریخی سنگِ میل عبور کرتے ہوئے روہت شرما کو پیچھے چھوڑ کر ٹی ٹوئنٹی انٹرنیشنل میں سب سے زیادہ رنز بنانے والے کھلاڑی بن گئے۔
بابر نے میچ سے قبل 4223 رنز کے ساتھ میدان میں قدم رکھا اور روہت شرما کے 4231 رنز کا ریکارڈ توڑنے کے لیے صرف 9 رنز درکار تھے انہوں نے 12ویں اوور میں ایک سنگل کے ذریعے یہ کارنامہ انجام دیا، جس کے ساتھ ہی ان کے ٹی ٹوئنٹی رنز کی تعداد 4232 ہو گئی۔
اب تک کے سرفہرست بلے بازوں میں بابر اعظم 130 میچوں میں 4232* رنز کے ساتھ پہلے نمبر پر ہیں، روہت شرما 159 میچوں میں 4231 رنز کے ساتھ دوسرے اور ویرات کوہلی 125 میچوں میں 4188 رنز کے ساتھ تیسرے نمبر پر ہیں۔
