اردو انٹرنیشنل اسپورٹس ویب ڈیسک تفصیلات کے مطابق پاکستان نے سعودی عرب میں جاری ایشین ٹیم اسنوکر چیمپئن شپ کے فائنل میں جگہ بنالی ۔
سیمی فائنل میں پاکستان نے ہانگ کانگ کو شکست دی، اس سے قبل پاکستان نے کوارٹر فائنل میں بھارت کو ہرایا تھا۔
اسجد اقبال اور اویس منیر پر مشتمل قومی ٹیم نے سیمی فائنل میں ہانگ کانگ کے خلاف 1-3سے فتح حاصل کی ۔ سیمی فائنل کے پہلے سنگل میں اسجد اقبال کو 72-47 سے شکست ہوئی تھی لیکن اویس منیر نے اپنا فریم 40-88 سے جیت کر مقابلہ ایک ایک سے برابر کیا ۔
اس کے بعد ڈبلز کے فریم میں پاکستان نے 99 کا کلیئنرس بریک کھیلتے ہوئے برتری حاصل کی ۔ اسجد اقبال نے اپنے دوسرے سنگل میں نینسن وان کو 28-82 سے شکست دی اور پاکستان کیلئے 1-3 کی فتح مکمل کی ۔
اس سے قبل پاکستان نے کوارٹر فائنل میں بھارت کو 3-0 سے آؤٹ کلاس کیا تھا۔ بھارت کے خلاف پاکستان کی جیت کا اسکور 35-63، 22-75 اور 06-70 رہا۔
ٹیم چیمپئن شپ کے فائنل میں پاکستان کا مقابلہ تھائی لینڈ سے ہوگا ۔ یاد رہے پاکستان ایشین 6 ریڈ اور ایشین انڈر 21 چیمپئن شپ بھی جیت چکا ہے۔
