جمہوریت کوڈی ریل کرنے کی کوشش کی جارہی ہے، نثار کھوڑو
اردو انٹرنیشنل (مانیٹرنگ ڈیسک) کراچی میں پریس کانفرنس کرتے ہوئے پاکستان پیپلزپارٹی سندھ کے صدر نثار کھوڑو نے کہا ہے کہ پوری قوم الیکشن کاانتظارکر رہی ہے، جمہوریت کوڈی ریل کرنے کی کوشش ہو رہی ہے۔
ان کا کہنا تھا کہ دہشت گردی، زلزلے، سیلاب کے باوجود الیکشن ہوئے ہیں، پاکستان میں جو صورتحال بن رہی ہے اس پر افسوس کا اظہار کرتا ہوں۔
انہوں نے کہا کہ گزشتہ روز سینیٹ کاکورم پورا نہ ہونے کے باوجود قرارداد منظورکی گئی، سینیٹ میں بیٹھے 12 لوگوں نے عوام کے ساتھ مذاق کیا۔
نثارکھوڑو کا کہنا تھا کہ الیکشن معطل نہیں ہوں گے، عوام کو الیکشن سے دور رکھنا غیرآئینی ہے، الیکشن معطل کرانے کی مذموم کوشش کی مذمت کرتے ہیں۔