پی ایس ایل فرانچائز ملتان سلطانز کے مالک علی ترین نے ٹیم سے علیحدگی کا اعلان کردیا

پی ایس ایل فرانچائز ملتان سلطانز کے مالک علی ترین نے اصولی اختلافات کے باعث ٹیم سے علیحدگی کا اعلان کردیا۔

اپنے بیان میں انہوں نے کہا کہ اگر ٹیم کے ساتھ رہنے کا مطلب اصولوں سے سمجھوتہ کرنا ہے تو وہ الوداع کہنا ہی بہتر سمجھتے ہیں علی ترین کا کہنا تھا کہ وہ ٹیم کو اپنے پیروں پر کھڑے ہو کر کھونا پسند کریں گے، گھٹنوں کے بل نہیں چلائیں گے۔

انہوں نے ملتان سلطانز کو اپنی زندگی کا بڑا اعزاز قرار دیتے ہوئے کہا کہ یہ ٹیم صرف فرنچائز نہیں بلکہ جنوبی پنجاب کی شناخت ہے، جس پر ان کے مرحوم چچا عالمگیر ترین بھی فخر کرتے تھے۔

انہوں نے مزید کہا کہ مالی نقصانات کے باوجود کبھی ٹیم چھوڑنے کا نہیں سوچا اور جو بھی مستقبل میں ٹیم کا کنٹرول سنبھالے گا، اسے ان کی مکمل حمایت حاصل رہے گی۔