افغانستان ٹیسٹ سیریز کے لیے بھارت میں نیوزی لینڈ کی میزبانی کرے گا
اردو انٹرنیشنل (اسپورٹس ڈیسک )تفصیلات کے مطابق افغانستان ستمبر 2024 میں بھارت میں نیوزی لینڈ کی میزبانی کرے گا۔
ٹائمز آف انڈیا کے مطابق یہ کھیل گریٹر نوئیڈا کے شاہد وجے سنگھ پاتھک اسپورٹس کمپلیکس میں کھیلا جانا ہے جہاں دونوں ٹیمیں پہلی بار اس فارمیٹ میں کھیلیں گی۔
دو ہزار سترہ میں ٹیسٹ اسٹیٹس ملنے کے بعد سے، افغانستان نے 9 ٹیسٹ کھیلے ہیں لیکن ابھی تک نیوزی لینڈ کا سامنانہیں کیا۔
رپورٹ میں کہا گیا ہے کہ نیوزی لینڈ افغانستان کے خلاف دوطرفہ تعلقات پر اپنے پڑوسی آسٹریلیا سے بالکل مختلف موقف رکھتا ہے۔
دو ہزار اکیس سے، آسٹریلیا نے افغانستان کے خلاف کوئی بھی دو طرفہ میچ کھیلنے سے انکار کر دیا ہے کیونکہ طالبان نے کھیلوں میں خواتین کی شرکت پر پابندیاں عائد کر رکھی ہیں تاہم نیوزی لینڈ کو افغانستان کے خلاف کھیلنے میں کوئی مسئلہ نہیں ہے۔
دریں اثنا، افغانستان کرکٹ بورڈ کو ایک بار پھر بی سی سی آئی سے بھارت میں اپنے ہوم میچز کھیلنے کی اجازت مل گئی ہے۔
اس کا مطلب ہے کہ افغانستان چار سال کے وقفے کے بعد بھارت میں اپنے ہوم میچ کھیلے گا وہ 2020 کے بعد پہلی بار گریٹر نوئیڈا واپس آئیں گے رپورٹ کے مطابق، بی سی سی آئی نے افغانستان کو تین ‘ہوم’ مقامات الاٹ کیے ہیں: گریٹر نوئیڈا، کانپور اور لکھنؤ۔
افغانستان کو جولائی میں دو ٹیسٹ کے ساتھ ساتھ وائٹ بال میچوں پر مشتمل ایک مکمل سیریز کے لیے گریٹر نوئیڈا میں بنگلہ دیش کی میزبانی بھی کرنی تھی تاہم، بنگلہ دیش کرکٹ بورڈ (بی سی بی) نے شمالی ہندوستان میں موسم کی خرابی کی وجہ سے سیریز ملتوی کرنے کا فیصلہ کیا۔
جہاں تک نیوزی لینڈ کا تعلق ہے، افغانستان کے خلاف واحد ٹیسٹ انہیں ہندوستان کے خلاف تین میچوں کی ٹیسٹ سیریز کی تیاری کا بہترین موقع فراہم کرے گا۔ سیریز اکتوبر سے نومبر میں ہونے والی ہے۔
نیوزی لینڈ کا دورہ بھارت
16 سے 20 اکتوبر: پہلا ٹیسٹ، بنگلورو
24 سے 28 اکتوبر: دوسرا ٹیسٹ، پونے
01 سے 05 نومبر: تیسرا ٹیسٹ، ممبئی
